Interessante Veranstaltungstermine för Plattdüütschen

Hier kiek man immer mal wedder hen, denn hier kannst Du dat Nieeste to weten kriegen över plattdüütsche Veranstaltungs in un um Flensburg.
Ik selbst heff en Veranstaltungsreeg organiseert: "Plattdüütsch in Flensburg". 

Bi disse Veranstaltungs wüll ik geern wiesen, dat man op Plattdüütsch öber genau so vele Dele snacken kann as in anner Spraken uk. Verschedene Fachlüüd vertellen wat ut seehrs Gebiet.


Information:

Tel.: 0461 3184707 (AB) oder
E-Mail: a.jensen@stage-combat.de

Programm

16. Düütsch-Amerikanische Plattdüütschkonferenz
09.-11.September in Wausau/Wisconsin

Dat is dittmal en Drapen, dat vun de Pommersche Verein/Wisconsin utricht warrt. Naher warr ik wat dorvun vertellen.Wi fohren mit en Grupp to de Konferenz un maken en Tour langs de Mississippi bit rop na de Quell.

Plattdüütsch in Flensburg:

Wenn nix anners seggt is, sind de Vördräge immer in de Vördragssaal vun de vhs un Stadtbibliothek in de Flensburg-Galerie

Mittwuch, 28.09.2011    14.00 - 17.00 Uhr
Landschaftsmuseum Unewatt - Föhrung op Platt
Bitte möglichst bald anmellen bi Tel.-Nr.: 0461 3184707
oder Mail: a.jensen@stage-combat.de

Mittwuch, 16.11.2011,  15.00 - 16.30 Uhr
(Pass op, dor is enverkehrte Datum in't Programm vun de vhs!!!)
Vördrag vun de Kunstgeschichtler Dr. Hans Thomas Carstensen:
"De Klang vun de Seel" - Leven un Wark vun de
Maler Max Liebermann

Diensdag, 17.01.2012,  15.00 - 16.30 Uhr
Vördrag vun Paul Ketelsen
Ostsee-Rund - Indrücke vun mien Reis op en Segelschipp

Diensdag, 21.02.2012,  15.00 - 16.30 Uhr
Vördrag vun Annemarie Jensen
Plattdüütsch leevt - Gedanken över plattdüütsche Wöör

Diensdag, 20.03.2012,  15.00 - 16.30 Uhr
Vördrag vun de Kunstgeschichtler Dr. Hans Thomas Carstensen
"Mien grauet Hart" - De Geheemnisse vun Frida Kahlo

Plattdüütsche Stammdisch: Plattdüütsch Snacken för Jung un Oolt

De Plattdüütsche Stammdisch is so richtig gut anlopen!
To Anfang vun Johr harr ik schreven: Ik heff mi dacht, dat dor en vergnöögte Runn vun Plattdüütschfrünnen tosamen kummt: Lüüd, de al vun jung af an Plattdüütsch snackt hebben, un Lüüd, de sik nich so richtig truun, los to snacken. Ik wüll dorbi geern allerhand Tipps geven, wie man best plattdüütsche Sätze torechtkriggt un wie een sik uk mal Wöör ut dat Hoochdüütsche afleiten kann. Plattdüütschfrünnen süllen sik kennen lehren, un bi't Snacken kann een  de anner mittrecken.
Mit vun de Partie is Paul Ketelsen, uk en waschechte Plattdüütsche een, de eerst lettsjohrs in sien Ruhestand na Flensburg trucken is un dat geern mit Plattdüütschen to doon hebben wüll.
De Stammdisch sall eenmal in'e Monat sien. Wi drapen uns immer donnersdags, Klock halv acht (19.30 Uhr) in dat Kulturcafe vun de Volkshoochschool, baben achter de Nikolaikirch neeg bi de Südermarkt.
Kosten deit dat gor nix.
Allens is noch veel beter lopen, as ik mi dat harr vörstellen kunnt. Nu, na twee Monaten Sommerpaus kann dat wiedergahen.
Termins: Do. 01.09.2011, 29.09., 20.10., 01.12., 26.01.2012, 01.03., 29.03.2012